.وشكت شريط....احمد الناصري

......وشكت شريط....

وشكت شريط للجوف
من الدوم كانوا لحروف
والكلب مرود ونايم...g
....
دكيتو بحجر الصمg
ماخليت ليه فين يتكلم
وبديت نشرتل وحرفي هايم...
....
شحال وانا نفتل
والتلقيمة معاها نقتل
والشريط غادي معايا رايم...
....
بالكامة وليت فيه نعبرg
والوشك ديما ف مصر
نخلق كلام فيه نسايم...
....
تعبت مع حروفي نكلعg
والمزيان فيه نمضغ ونتمتع
وسبحان الله خالق النعايم...
....
لولبتو..ودرتو قصيدة
وحكايتي معاه بقات فريدة
سمعوها الناس لخصايم...
....
حروفي وليت ليها نوشك
والعذاب مافيه الشك
وغير دعوة منكم ياهل لكرايم...
.....
..........أحمد الناصري......