الجوهرى عبدالله /الود ياحلوه\
الجوهرى عبدالله
/الود ياحلوه\
ياساكنه ف العالى
ارمى ولو نظره
بيكى انشغل بالى
ولاعندكيش فكره
مادد انا حبالى
بالود ياحلوه
فى انتظار بشرى
تحيي امالى
والدنيا تهنالى
او حتى ييجى الرد
ينعى سوء حالى
واعيش على الذكرى
انا غزلت الصبر
ونسجته على راحتِك
لو ماكنش اليوم
تيجى على راحتِك
بكره احسن يوم
عليكِ..وعليّه
راهنت ع الحب
قالوا:فكره مش هي
القلب طبعه القلب
قلت الثبات ع الحب
من صنعك انت يارب
لابأيدها..ولا بإيديه
ياطيب انت ياقلبى
شايل لها ف حشايا
شوق وحنيّه..
ملو حواشى الحشا
وفاض شويات وشويه
حبّه خلف الحنايا
وحبّه كحلت بيهم عينيه
بحبِك حتى لو كانت
نسمة هواكِ عاصيّه
مسيرك ياطير الوما
تِفُك عن عينيك الغُمى
وترجع تحوم ع الغيّه
وعش الملاغيّه
جوهريات
تعليقات
إرسال تعليق